Liewe Swarrie, kry jou verkyker en jou vellies

en kom ervaar al jou toekomstige omgee- onderwysers en pellies.

Kom loer in ons groot, groen land

waar daar ‘n asemrowende gebeurtenis is deur ‘n groter Hand!

Op die safari gaan jy jou toekoms oopsluit.

Vir ons is jy, ja jy, met jou eie besonderse naam belangrik

en ons gaan jou help groei vir ‘n lang, lang ruk.

Met vars lug, sport en kultuur,

sal jy jou uniekheid en vermoë ontdek en jou spesiale eerste plek vier!

Ons Swarrie plaas gaan jou tweede huis wees

en kaalvoet gaan jy gebalanseerd leer werk en lees.

Op die groen gras met baie spasie,

gaan jy heerlik speel en hardloop.

Met al die goeie maats wat jy gaan maak,

en wie weet, dalk speel julle ook saam skaak.

Raai net wat . . .  mamma, pappa en jou onderwyser gaan saam werk,

met al die geleenthede, weet ons jy word sommer gou groot en sterk!

Hier gee ons vir mekaar om

want, oor ‘n paar jaar gaan jy ons met jou wysheid verstom!

Op hierdie mooie plaas, waar elkeen tel

is ons trots om te kan sê, met elke Swarrie gaan dit wel!