Sport

As gevolg van Covid-19, sal daar ongelukkig geen sport in 2020 aangebied word nie.

Vir meer inligting kontak asb Mnr Ken Kendall: ken.kendall@laerskoolswartkop.co.za of sport@laerskoolswartkop.co.za.

Sportsoorte

Atletiek, Rugby, Bulletjie Rugby, Krieket, Bev Krieket,  Tennis, Netbal, Mini-netbal, Landloop, Hokkie, Skaak, Gholf, Sagtebal, Fietsry

Landloop

Swarries 100km Lockdown Run
“Harder – Faster – Stronger
Run AS One, Work AS a Team, Finish AS a Family”
Met hierdie leuse in hul harte het 26 van ons Swarrie landloop-atlete op Saterdag, 1 Augustus ‘n afloswedloop van 105km afgelê. Die eerste atleet het weggespring in Hennopspark en van daar af is die virtuele ‘aflos-stokkie’ oorgegee aan atlete in Wierdapark, Raslouw, Eldoraigne en Clubview. Ons graad 7 atlete nl. Rico Coetzer, Reinhardt Behrens, Alishia Middleton en Arno Laubscher het die laaste skof tot by die skool afgelê, elkeen met ‘n fakkel in die hand. Onder toejuiging van hul ouers, deelnemers en ondersteuners het
hulle vir die laaste keer as Swarrie atlete die skool binne-gehardloop met die
klanke van “Chariots of Fire” in die agtergrond.
Mnr Marius Bornman het die atlete van begin tot einde met sy fiets vergesel. Juf Elria Geerlings het aan elke deelnemer ‘n geskenkpakkie met medalje en sertifikaat oorhandig. Ons bedank graag die landloopafrigters asook elke persoon wat ‘n aandeel gehad het in die sukses van hierdie dag. Ons het baie positiewe terugvoer ontvang (selfs van bekende afrigters van elders in die land) wat ons skool geprys het vir die skitterende inisiatief om sport na kinders te neem tydens die grendeltyd. Hierdie aflos-geleentheid mag dalk net ‘n jaarlikse instelling word op die Swarrie-sportkalender!