Swarries neem getrou deel aan die kunsuitstalling by die Centurion Kunstefees.
Daar is ‘n wye verskeidenheid van kategorië en leerders kan kies waaraan hulle wil deelneem.
Hierdie fees gebeur gewoonlik in Augustus (derde kwartaal). Al die inligting word betyds aan die leerders gekomunikeer.
Tjirpies
Me Karien Geyser
Die tjirpies is hoofsaakik ‘n dramagroep wat eksperimenteer met dans, sing, klanke en hoofsaaklik drama. Die groep bestaan uit gr 2, 3 en 4 leerders, seuns en dogters. Dis ‘n aktiwiteit waarin ons baie hard werk en leer, maar dit sorg altyd vir baie pret!
Toneel – Me Estelle Jooste
Ons het ‘n briljante toneel vir 2022 …Kamp- Nickerball. Ons het gr 6 e 7 leerders wat daaraan deelneem. Ons is opgewonde oor ons opkomende akteurs! Oefening is elke Woensdag om 17:00 tot 18:30.
Junior Bybelkuier
Bybelkuier is terug!
Elke Dinsdag, tweede pouse kom deel tannie Joan van KSM haar liefde en passie vir Jesus, met die Gr.1-3 Swarries. Elke Swarrie word uitgenooi om te kom leer van Jesus. Ons sing liedjies en loof die Here se naam. Dis beslis nie ń geleentheid wat die Swarries moet misloop nie.
Senior Praise and Worship
Ons gaan in die 2de kwartaal en die 4de kwartaal n ‘Praise and Worship’ – aand vir al die gr4-7 leerders hê in die skoolsaal. Hier kom bedien Doxa deo ons leerders met hulle ‘fusion-band’. Dit is altyd n geesvervullende geleentheid waar leerders hul harte oop maak vir die Woord. Dis beslis n geleentheid wat nie gemis kan word nie.
Junior Slagorkes – Judi Coetzee
Die Junior Slagorkes bestaan al etlike jare sedert die skool se ontstaan in 1969. Ons is ‘n ritmiese orkes wat beteken ons instrumente klap, slaan en tik sonder ‘n melodie. Ons speel heerlik en met ‘n groot gejuig op die maat van klassieke musiek tot hedendaagse musiek. Die kinders wat hieraan deelneem moet goed ritme kan hou, ‘n goeie geheue hê en goeie deursettingsvermoë.
Senior Slagorkes
Ons Senior Slagorkes is nog ‘n redelike nuwe aktiwiteit wat verlede jaar afgeskop het, maar waaroor ons baie opgewonde is! Ons slagorkes bestaan hierdie jaar uit 21 lede en word afgerig deur Juf Louise Botes, Juf Karien Geyser en Juf Bea Viljoen. Ons oefen elke Woensdag middag vanaf 3 uur tot 4 uur. Ons het nuwe instrumente aangeskaf vir die orkes wat die volgende insluit: vyf Djembedromme, ‘n Tenoor Marimba, twee Alt Xilofone en een Sopraan Xilofoon. Ons is ook baie opgewonde om ‘n paar liedere hierdie jaar saam met die Senior Koor uit te voer.
Junior Glee - Charlene van Wyk
Die junior Glee bestaan uit n klein groep leerders van gr2, 3 en 4. Hier dans en sing lekker saam. Ons beoefen die leerders se wonderlike talente en doen dit op n prettige wyse. Leerders leer nuwe dansies aan en die liedjies wat in hul stemme gesing word, word opgeneem in n ateljee. Ons berei voor vir die groot konsert wat in die 3de kwartaal gaan plaasvind. Ons kan nie wag nie!
Senior Glee – Me Doné Griessel
Die Snior Glee groep bestaan uit ‘n klein groep Gr5 tot 7 seuns en dogters. Ons spog graag met ons talentvolle dansers en oorspronklike choreografie. Ons sang word opgeneem in ‘n professionele ateljee. Ons is 4 ervare afrigters, en elk van ons is vreeslik passievol oor musiek. Omdat ons ‘n klein groep is, is daar minder druk op ons kinders, ons oefen op ‘n gemaklike tempo en ons het baie pret saam met die kinders.
Dis die eerste keer wat Laerskool Swartkop hierdie tipe kultuur aktiwiteit aanpak, maar ons is baie opgewonde vir ‘n nuwe uitdaging.
Junior Koor
Een twee drie, fluit op noot!
Laerskool Swartkop se singende swaeltjie is weer hard aan die oefen. Elke Maandag en Woensdag middag van 2-3uur uur word daar behoorlik op noot gekoer. Alhoewel die swerm verklein het hierdie jaar, staan hulle verseker nie terug nie.
Elke voëltjie kry híér sy nes en gee met elke les sy bes.
Binnekort deel ons die liedjies met jou.
Almal is welkom, van mens tot pou.
Senior Koor
Ons seniorkoor is hierdie jaar ‘n klein sanggroep van 35 lede. Die Dirigent en organiseerder is Juf Bea Viljoen, die mede- afrigter is Juf Louise Botes en die begeleier is Juf Rejeanne Kruger. Ons oefen elke Maandag en Woensdag middag, vanaf 2uur tot 3uur in die skoolsaal en beoog om by ‘n paar konserte op te tree. Ons is ook baie opgwonde om ‘n paar liedere saam met ons Senior Slagorkes uit te voer hierdie jaar.
Redenaars – Me Estelle Jooste
Ons het Afrikaanse klasuitdunne en dan Afrikaanse graad kompetisies. Ons neem deel aan die ATKV. In die 3de kwartaal het ons Engelse redenaars klasuitdunne en dan graad kompetisie.
Ons is baie opgewonde oor die Redenaars en dat elke kind die geleentheid kan kry om te leer om hul sê te sê!
