Aktiwiteite

Swarries neem getrou deel aan die kunsuitstalling by die Centurion Kunstefees.

Daar is ‘n wye verskeidenheid van kategorieë en leerders kan kies waaraan hulle wil deelneem.

Hierdie fees gebeur gewoonlik in Augustus (derde kwartaal). Al die inligting word betyds aan die leerders gekommunikeer.

Slagorkes – Me Judi Coetzee

Die slagorkes organiseerder en afrigter is Judi Coetzee. Die mede-afrigters is Bea Viljoe en Rejeanne Kruger. Ons het een groot slagorkes hierdie jaar van Gr. 1 tot Gr. 7.

Senior Koor – Me Bea Viljoen

Seniorkoor se organiseerder en dirigent is Bea Viljoen.Begeleier en mede-afrigter is Rejeanne Kruger.Ander mede-afrigters is Gizela Fourie en Azuré Oelofse.Koor bestaan hierdie jaar uit 66 lede, ons sing tweestemmig en gaan aan vele kompetisies en konserte deelneem hierdie jaar.

Klik hier om Galery te sien

Junior Koor – Me Meleney Kleu Hier is die inligting wat nog uitstaande is by die Junior Koor. Die junior koor word elke jaar selektief met die hand gekies. Hierdie jaar bestaan die koor uit 47 talentvolle stemmetjies. Ons het reeds by vanjaar se ATKV Applous kompetisie ‘n GOUD verwerf waarop ons baie trots is. Ons sien uit na nog kompetisies wat vir ons voorlê. Ons junior koor het hierdie jaar ‘n nuwe beeld met spoggerige koorklere. Ons oefen hard elke Maandag van 14:00-15:00 en op ‘n Woensdag van 15:00-16:00. Die koorspan bestaan uit die volgende personeel: Juffrou Meleney Kleu, Juffrou Lelani Oosthuizen & ons talentvolle begeleier Tannie Elsa Maré.

Senior Revue – Me Elria Geerlings

Ons is baie opgewonde om hierdie jaar ʼn entoesiastiese groep van ongeveer 58 Revue-leerders by Laerskool Swartkop te hê.

By hierdie groep is daar beslis nie ʼn tekort aan energie nie! Daar word elke Woensdagmiddag vanaf 14:00 tot 16:00 in die saal geoefen.  Hul neem hierdie jaar deel aan die Tswhane Youth Arts Festival, Caleidoscope en Centurion Kunstefees.

Hul word tans afgerig deur Me. Elria Geerlings, Me. Petru Schnuir, Me. Marizaan Miller en Me. Annelize van der Merwe.

Junior Revue – Me Rizanne Korf

Rizanne Korf is die junior revue se organiseerder. Ons is ʼn groep Gr. 2, 3 en 4 kinders wat dans en sing. Die mede-aftigters is Karien Geyser en Claris Coetzee is ook betrokke.

Redenaars – Me Annelize van der Merwe

Daar is hierdie jaar redenaarsuitdunne in elke klas vanaf Gr. 1 tot Gr. 7 gehou.

Ons is baie bevoorreg om soveel redenaarstalent by Laerskool Swartkop te hê.  Daar word  so 16 tot 20 leerders uit elke graadgroep gekies om aan ons skool se interne redenaarskompetisie deel te neem, wat op 9 Maart by die skool plaasvind. Uit daardie leerders, word ses Gr. 1 – 3-leerders, ses Gr. 4 en 5-leerders en ses Gr. 6 en 7-leerders gekies om ons skool by die ATKV se Gauteng-Noord streeksuitdunne te verteenwoordig.  Daar word ook redenaars gekies om by die Centurion Kunstefees deel te neem.  Ouers word ook aangemoedig om hul kinders by verskeie ander kompetisies in te skryf.